NIUEQATIGIINNERMI PIUMASAQAATIT
Paasissutissat
Inatsisitigut ateq: CANNABIS AMMAANNEQARLI
Website: www.kaanabis.com
CVR-nr.: 41738553
Illumiut Aqqutaa 21
3952 Ilulissat
Kalaallit Nunaat
Email: info@kaanabis.com
Oqarasuaat: +299 54 12 06
Tunisinermi nassiussallu pillugit toqqammavissatut tunngavissat
CANNABIS AMMAANNEQARLI-mi pisiassat tamavimmik danskit aningaasaataat koruunit (DKK) atorlugit nalingi nalunaarsoqqapput, ersarivissumik allatut nalunaarsorneqarsimanngippata.
Akiliineq
• PayPal
• MobilePay: +45 92 40 94 21
• Bank-ikkut nuussineq
GrønlandsBanken
Reg. nr.: 6471
Konto nr.: 2246705
Swift: GRENGLGX​​​
Nassiussineq
Nalinginnaasumik nassiussineq
Pisiaq ataaseq (aqqutaani tammassagaluarpat nammineq akisussaaffigalugu): 39 DKK
Pisiat marluk sinnerlugilluunniit: 59 DKK
​
Tammatsaaliilluni nassiussineq
Pisiaq ataaseq (nassiussap ingerlaarnera tracking normukkut malinnaaffigisinnaallugu tammassagaluarpallu taarserneqarsinnaalluni) 89 DKK
Pisiat marluk sinnerlugilluunniit: 109 DKK
​
Nunanut allanut nassiussineq
Pisiaq ataaseq: 90 DKK
Pisiat marluk sinnerlugilluunniit: 110 DKK
​
Nassiussat suuneri sumullu nassiunneqarnissaat apeqqutaallutik nassiussineq sapaatit akunneri 1-4 akornanni sivisussuseqartarpoq.
Cannabis oliat
Cannabis oliat inunnit 18-inik ukioqalereersimasunit Kalaallit Nunaannilu najugalinnit taamaallaat pisiarineqarsinnaapput.
Pisinermi peqqissisimanissamut pisinnaatitaaffik
Pisisup CANNABIS AMMAANNEQARLI-miit pisinerminut atatillugu pisinerminiit ullut 14-it peqqissiminissaminut periarfissaqarpoq. Peqqissiminissamut periarfissaq naatsorsorneqartarpoq pisiniap pisianik ulloq tigusaqarnerani ulloq, imaluunniit arlariinnik pisiaqarnermi pisiarisat tigusassani tigusat kingulliit ulluini, tamatumani aamma allatsitat ataatsikkut allatsitat arlariit ataasiakkaarlugit tikinnerani tiguneqartartuni kingulliit aamma pineqartillugit.
Pisussaavutit tigusaqarninnit ullut 14-it qaangiutsinnagit pisiannik peqqissimissuteqaruit nalunaarfigissalluta. Nalunaaruteqarneq uunga nassiunneqassaaq: info@kaanabis.com imaluunniit pisinermik peqqissimissuteqarnermik immersugassaq nalinginnaasoq atorsinnaavat. Ersarissumik pisinermik peqqissimissuteqarnermik periarfissannik atuinissamik kissaateqarnerit nalunaarsorneqassaaq.
Pisinerit peqqissimissutigisinnaanngilat imaluunniit pisianik nassiussanik tigusiumanngissinnaanngilatit ersarissumik pisinianik peqqissimissuteqarnerit ilanngullugu nalunaarutiginngikkukku.
Pisiassat pisinermi peqqissiminissamik periarfissaqarfiunngitsut
Pisiat sillimmartaarlugit matoqqissaakkat imaluunniit eqqiluisaarnikkut utertinneqarnissamut naleqqutinngitsut, matoqqissaaqqanerinit pisiat tigoreerneranit ammarneqarsimasut.
Utertitsineq
Allatsissimasat uatsinnut utertissavat pisariaqanngitsumik kinguarsaateqarnak, kingusinnerpaamillu pisiavit peqqissimissutigineranik uatsinnut ullut 14-it qaangiutsinnagit nalunaarnikkut. Illit pisiap utertinnerani nassiunneqarnerani aningaasartuutit tamaasa toqqaannartumik akilissavatit. Illit pisiap nassiunnerani piffissaq tamaat akisussaaffigissavat pisiassap utertitavit nassiunneqartoq uatsinnut apuunneqarnissaa tikillugu. Pisiassap pisiarinerani poorisaa ilaatinneqanngippat akiata nalinganik apparsaataasinnaavoq, aningaasallu akiliutigisimasat tamakkerlugit tiguniarnerini pisiap puua ilanngullugu nassiunneqarnissaa innersuussutigineqarpoq. Pisiassat ilai nalinginnaasumik allakkerivikkut nassiussinnaasut allat assigalugit ilaanni nassiussinnaaneq ajorput. Tamatumani soorlu pisiassat utertinniakkat nalinginnaasumik allakkat puussaani angisuuniissinnaanngitsut.
Utertinnerani pisiap qanoq innera
Pisiap qanoq issusianik ajorseriaataasumik allannguuteqarsimasinnaanerata kingunerisaanik pisiassap naleqassusiata appariarsimasinnaanera illit taamaallaat akisussaaffigalugu pisuussutigissavat, pisiassap passussimanerani pisiassap suuneranik atorsinnaassusialu inissinniarnerani allatut pisiassaq atorlugu passussimagukku. Allatut oqaatigalugu, pisiassaq pisiniarfimmi misilinneratut misilissinnaavat, kisiannili atorlugu atuissinnaanngilat. Qulaani nassuiaatigineqartut saniatigut pisiassaq atorneqarsimappat pisiassaq atornikutut nalilissavarput, taannalu isumaqarpoq, pisiaq peqqissimissutigigukku utertinniarnerani pisiarineranit nalinga ilaannakortumik utertinneqassasoq, apeqqutaalluni pisiarineqarnerani naligisimasaata annertussusaa.
Pisiat pisiarineqarnerani akiisa utertinneqarnissaat
Pisiatit peqqissimissutigigukkit pisiavit akiisa annertussusaat uatsinnit ilinnut utertinneqassapput. Naleqassusiata annertussusaa appariaateqarpat, illit pisuussutigisannik, pisinermi nalinganit ilanngaanneqassaaq. Pisiap peqqissimissutigisinnaaneranik pisinnaatitaaffik atorukku, akiliutit ilinnit tigusagut utertissavagut (taamaattorli nassiussinermut ataatsimut aningaasartuutinut 100 DKK-nut naatsorsuunneqartoq utertinneqassanngilaq), pisariaqanngitsumik kinguarsaaneq aammalu qanorluunniit pisoqaraluarpat isumaqatigiissutip peqqissimissutiginera aalajangiussimanera pillugu illit uatsinnut kingusinnerpaamik ullut 14-it qaangiutsinnagit nalunaarsimaguit. Pisinermi akilitit atorsimasat aqqutigalugu aningaasat annertussusaat utertissavagut, allatigut annertussutsit tigunissaanik allatut kissaateqarlutit ersarilluinnartumik illit nalunaaruteqarsimanngikkuit. Akiliutigineqartut utertinngissinnaavagut pisiaq uatsinnut apuunneqarluni tigunissaata tungaanut, allatigut pisiaq utertissimallugu uppernarsaateqanngikkuit.
Pisiat peqqissimissutigigukku pisiat uunga nassiunneqassaaq:
CANNABIS AMMAANNEQARLI
Illumiut Aqqutaa 21
3952 Ilulissat
Kalaallit Nunaat
Aamma pisiat peqqissimissutigigukku ersarissumik ilisimatitsissutigalugu qulaani adresse-mut nammineq ornigullutit tunniukkiartorsinnaavat. Poortukkat allakkerivimmut aasassanngortitat imaluunniit poortukkap apuunnerani allakkerivimmut aasassanngorlugu aaneranilu akiligassanngorlugit nassiussat aaneq ajorpagut aammalu tiguneq ajorpagut.
Pisiap taarserneqarsinnaanera pisiallu utertinneqarsinnaanera
Pisinermi inatsisip pisinermi piassap amigaateqarsinnaanera pillugu malittarisassani allassimasut pisiassanik pisinermi atorneqarsinnaavoq. CANNABIS AMMAANNEQARLI-mi pisinermi inatsit malittaralugu pisinermit ukiut marlunni pisiap akornuteqarsinnaanera taarserneqarsinnaaneralu atuutinneqarpoq. Tamanna ima isumaqarpoq pisiat aaqqiissuutsisinnaassagit, imaluunniit taarsertissinnaassagit, aningaasartai tigusinnaassagitit, pisiat akikilliviigineqartissinnaassagit, apeqqutaalluni pisumi aalajangersimasumi qanorpiaq pisoqarsimanera. Taarserneqarsinnaaniassappata piumasaqaatinik eqquutitsinissaq tunngaviusariaqassaaq, aammalu pisiniap pisiamik eqqunngitsumik atuisimanera peqqutigalugu pisiaq akornuserneqarsimanngittariaqassaaq, imaluunniit pisiamik sequtserutaasinnaasumik pisiaq atorneqanngissimasariaqassasoq tunngaviusariaqassaaq. Taarsiisoqarnissaanik piumasaqaateqarniaruit "naapertuuttumik piffissaagallartillugu" pisiap amigaateqarnera paasiniariarukku nalunaarutigissavat. Pisiavit akornuteqarnera qaammatit marluk qaangiutsinnagit akornuteqarnera paasigukku nalunaarutigigukkulu taarserneqarnissaanik piumasaqaateqarsinnajuassaatit. Taarserneqarnissaanik piumasaqaatinik eqquutitsiguit, nassiunneranut aningaasartuutitit (naammaginartumik annertussuseqarpata) utertissinnaavagut. Illersorneqarsinnaasumik pisiaq utertillugu tamatigut nassiunneqartassaaq, eqqaamallugulu nassiunneranut uppernarsaat ilinnut tunniunneqarnissaa piumasaqaatigijuaannassagakku, taamaasilluta nassiuneranut aningaasartuutitit utertissinnaaniassagatsigit.
Pisiaq utertikkukku suna ajornartorsiutaanersoq ilanngullugu sapinngisamik sukumiilluartumik nassuiaatigilluassavat. Eqqaamallugu poortukkat allakkerivimmut nammineq aasassat, imaluunniit portukkat aanerani tigunissaanut akileeqqaarluni tigusassat tiguneq ajoratsigit.
Pisiaq uunga nassiunneqassaaq:
CANNABIS AMMAANNEQARLI
Illumiut Aqqutaa 21
3952 Ilulissat
Kalaallit Nunaat
Naammagittaalliornissamut periarfissat
Pisiat pillugit naammagittaalliorniaruit tunisat pillugit naammagittaalliorfissamut akisussaasutsinnut email info@kaanabis.com aqqutigalugu nassitsisinnaavutit, aammalu allakkat ilisarnaaserlugit "Naammagittaalliuut", imaluunniit oqarasuaat +299 54 12 06 aqqutigalugu.
Aaqqiissutissamik nassaanngikkutta Atuisartoqarnermut- Unamilleqatigiinnermullu Aqutsisoqarfimmut (Forbruger- og Konkurrencestyrelsen) nassitsisinnaavutit suliassap piumasaqataasut iluaniippat naammagittaalliuummik nassitsisinnaavutit.
Atuisoqarnermut Unammilleqatigiinnermullu Aqutsisoqarfik
Forbruger- og Konkurrencestyrelsen
Imaneq 29, 1. sal
3900 Nuuk – Kalaallit Nunaat
www.aua.gl
EU-mut ilaasortaasut Danmark-iunngitsumiikkuit, naammagittaalliuut EU-Kommissionens online naammagittaalliuuteqarfimmut klageportal-imut tulliuttoq allassimasoq aqqutigalugu nassitsisinnaavutit – http://ec.europa.eu/odr
Atorneqarneri
CANNABIS AMMAANNEQARLI-mi pisisartup pisiassanik pisinermini ilanngullugu akuersissutigisarpai, tuniniaanermi pilersorneqarnermilu tunngavissaritinneqartut atuareersimaneri paasereersimanerinillu uppernarsaaneq. Niuernermi tunngavissarititat kingullermik nutarterneqarput ulloq 11. februar 2025.
​